خلاف عدل ، خلاف انصاف کوئی بھی کام کریں ہم ان کا محاسبہ کریں گے، افتخا ر احمد وارثی

بیول :: میرے چیئرمین ، وائس چیئرمین ،کونسلرز سن لیں کہ یہ اقتدار آُ پ کی آزمائش ہے،آپ نے اپنے حلقے کے لوگوں کا ،اپنی وارڈ کا اپنی یونین کونسل کا اپنے رب کو جواب دینا ہے میرے منتخب چئرمین ،وائس چیئرمین ، کونسلرز نے اپنے اپنے علاقے کی اپنی یونین کونسل کی خدمت کرنی ہے آپ نے یہ نہیں دیکھنا کہ کسی نے آ پ کوووٹ دیا کہ نہیں ،نہیں ہر گز ایسی بات نہیں سوچنی بلکہ ہر ایک کی خدمت کرنی ہے ۔اگر کہیں بھی کسی مقام پہ بھی میرے علم میں یہ بات آئی میرے منتخب شدہ دوست کہیں خلاف عدل ، خلاف انصاف کوئی بھی کام کریں گے ہم ان کا محاسبہ کریں گے،یہ عوام ان کا محاسبہ کرے گی۔ان خیالات کا اظہار ایم پی اے پی پی تھری افتخا ر احمد وارثی نے بیول میں ایک جلسہ سے اپنے خطا ب میں کیا یہ جلسہ مسلم لیگ ن کی جانب سے نو منتخب چیئرمین وائس چیئرمین ،کونسلرز کی جانب سے اظہار تشکر کے طور پر منعقد کیا گیا جس میں یو سی بیول سے کامیاب مسلم لیگی چیئرمین ، وائس چیئرمین ، کونسلرز اور عوام نے شرکت کی ۔اس جلسہ کے مہمان خصوصی ایم پی اے حلقہ پی پی پی تھری چوہدری افتخا ر احمد وارثی تھے ۔جلسہ کا انعقعاد حافظ عمران منظور نے کیا تھا۔اس جلسہ میں نوجوانوں نے بڑی تعداد میں شرکت کی اور اس کے ساتھ ساتھ علاقہ کی عوا م نے بھی بہت زیادہ تعداد میں شرکت کی ۔افتخا ر احمد وارثی نے بالخصوص نوجوانوں کا شکریہ ادا کیا اور انکی تعریف کی جو کہ اپنے اپنے علاقے کے مسائل سے آ گاہ ہیں اور انہیں اجاگر کرتے رہتے ہیں اور تما م اہلیان بیول کا شکریہ ادا کیا جنہوں نے ان کی پوری ٹیم کو کامیاب کیا انہوں نے نوجوانوں حوصلہ افزائی کے لئے اور تعریف کے لئے یہ شعر پڑھا ۔۔نہیں ہے نا امید اقبال اس کشت ویراں سے ۔۔۔۔ ذرا نم ہو تو یہ مٹی بڑی ذرخیز ہے ساقی۔ نوجونواں نے خصوصی طو ر پر ڈھول کی تھاپ پر اور میوزک پر بھنگڑے ڈ الے ۔